புத்தகத்துப் பூ

Image Source - Google

என்னுடனே இருப்பாயென
எவ்வளவோ எதிர்பார்த்து
மனத்தினூடே சேர்த்து வைத்தேன்
அளவில்லா ஆசைகளும்
சின்னச் சின்ன கனவுகளும்
புத்தகத்தில் புதைத்து வைத்த
வண்ணமான பூப்போல
 
நீ பிரிந்து யுகம் கடந்தும்
வண்ணம் மங்கி வாடினாலும்
வாசமெல்லாந் தொலைந்தாலும்
உருக்குலைந்த காகிதத்தில்
ஒட்டி நிற்கும் மிச்சம் போல்
செல்லரித்த இதயச்சுவற்றில்
ஆங்காங்கே தொக்கி நிற்கும்
அழகாக உன் நினைவுகள்!


அஷோக் கிருஷ்ணா