கணநேர காருண்யம்

Image Source - Google

காசு கேட்டு கைநீட்டும்
கந்தல் சட்டை சிறுவர்கள்
சாலையோரம் விழுந்திருக்கும்
பெயர் தெரியா பேர்வழிகள்
நடைபாதை அதை வீடாய்
மாற்றி வாழும் ஏழைகள் 
அடுத்த வேளை உணவுக்காய் 
கையேந்தும் அனாதைகள்
கொத்தாக செத்து விழும்
தொலைதூர மனிதர்கள்
அத்தனையும் பார்த்தாலும்
துளிர்க்காத என் மனிதம்
காலடியில் ஊறும் எறும்பு
கண்டவுடன் உணர்வதெல்லாம்
கண் மூடி சிரித்திருக்கும்
கவலையில்லா புத்தன் முகம்!