செருப்பு

'எங்கேயடி விட்டு வந்தாய்
ஏமாளிச் சிறு பெண்ணே'
என அதட்டும் தாயின் முகம்,
'போன வாரந்தான் வாங்கிய
விலையுயர்ந்த புதுச்செருப்பு'
என சலிப்பில் தந்தை குரல்,
பதிலேதும் தெரியாமல்
பொம்மை போட்ட செருப்பைத் தேடிப் 
பரிதவிக்கும் பிஞ்சு முகம் -
இத்தனையும் மனதில் காட்டி
இணை பிரிந்த இதயம் போல
துணையைப் பிரிந்து தனியாக
தார்ச்சாலையில் கிடக்கிறது
சின்னஞ்சிறிய ஒரு செருப்பு!

பிறை நிலா

முன்னொரு நாளதனில்
முதல் முறை
நான் பார்த்த பொழுது
ஒளிந்திருந்தும் ஒளியாமலும்
முகம் தெரிந்தும் தெரியாமலும்
இதழ் திறந்தும் திறவாமலும்
நீ உதிர்த்த புன்சிரி போல்
மேற்திசையின் அடிவானில்
மெலிதாய் ஓர் நிலாக்கீற்று!

Pearly Moon

Throwing upwards
Your thousands of arms
What are you trying,
Restless dark sea?
Did you mistake
This glowing full Moon
For a little pearl,
Splendorous and smooth,
To snatch it from sky
And stash in your depths?